Тамбов өлкәсендәге Котовск шәһәрендә урнашкан Wildberries логистика үзәгенә пилотсыз очу аппаратлары һөҗүм иткән. Бу хакта төбәк губернаторы Евгений Первышов хәбәр иткән.

Аның сүзләренә караганда, һөҗүм нәтиҗәсендә төнге сменада эшләгән җиде хезмәткәр һәлак булган. Башлангыч мәгълүматлар буенча, тагын 24 кеше төрле дәрәҗәдә җәрәхәтләр алган.

Һөҗүмнән соң логистика үзәгендә көчле янгын чыккан. Ачык ялкын сүндерелгән, әмма аерым урыннарда янгын учакларын бетерү эшләре дәвам итә.

Вакыйга урынында ашыгыч хезмәтләр эшли. Зыян күрүчеләргә медицина ярдәме күрсәтелә.